Kewell spilar ekki á árinu

Meiðslaharmsaga miðjumannsins Harry Kewell hjá Liverpool virðist ekki ætla að taka enda, en þessi 28 ára gamli ástralski landsliðsmaður hefur sagt að hann reikni ekki með því að geta spilað á ný fyrr en snemma á næsta ári eftir að hafa gengist undir aðgerð á fæti og nára.

Kewell hefur ekki spilað síðan á HM í sumar þar sem hann greindist með dularfulla gigt og sýkingu í fætinum. Hann er nú í heimalandi sínu í læknismeðferð en gerir sér ekki vonir um að spila á ný fyrr en í febrúar.