Gefur leikmönnum átta vikur til að sanna sig

Martin O´Neill hefur sent leikmönnum sínum þau skilaboð að þeir hafi tvo mánuði til að sanna tilverurétt sinn í liðinu, en það er tíminn fram að því þegar leikmannamarkaðurinn opnar á ný.

"Ég þarf tvo mánuði í viðbót til að mynda mér endanlega skoðun á því hvað ég hef í höndunum og það á aðeins við þá leikmenn sem spila flesta leiki. Það er erfiðara að segja til um þá sem fá minna að spila en við munum ekki taka neinar skyndiákvarðanir. Það er hinsvegar ljóst að við þurfum að styrkja hópinn hér og þar, en það ræðst þegar nær dregur og það er auðvitað ekki auðvelt að næla sér í góða leikmenn," sagði O´Neill á vefsíðu Villa.