Rafmagn fór af Evrópu

Norska skemmtiferðaskipið Norwegian Pearl slökkti um helgina ljósin í Evrópu. Milljónir manna í 12 löndum misstu rafmagnið. Skipið var að sigla upp eftir ánni Ems, í Þýskalandi. Ákveðið var að rjúfa straum á mikilvægri rafleiðslu þar sem skipið er afar stórt. Það varð til þess að yfirspenna varð á öðrum leiðslum og þær sló út. Við það fór rafmagnið af stórum hluta Frakklands, Spánar, Ítalíu, Portúgal, Austurríkis og fleiri landa.

Lyftur festust og járnbrautalestir stöðvuðust. Talsmaður fransks orkufyrirtækis sagði að þetta hefði hlaðið utan á sig eins og snjóbolti og ekki hefði mátt miklu muna að rafmagnið færi af allri Evrópu. Farþegar um borð í ljósum prýddu skemmtiferðaskipinu undu sér hins vegar ágætlega.