KB Banki svarar ásökunum Ekstra Bladet

Sigurður Einarsson, forstjóri Kaupþings Banka, kom fram á fréttamannafundi í höfuðstöðvum þeirra í Kaupmannahöfn í dag. Þar sagði hann að þeir hefðu sent Ekstra Bladet bréf þar sem rangfærslur blaðins eru leiðréttar en blaðið hefur undanfarið verið að birta greinar sem segja KB Banka vera tengdan við hina ýmsu glæpastarfsemi.

"Greinarnar eru rangar. Við höfum aldrei átt í viðskiptum í Rússlandi og ásökunum um skattsvindl hverskonar höfnum við alfarið. Lögfræðingur okkar hefur sent blaðinu lista með þeim staðreyndavillum sem blaðið fór með og við munum sjá hvað kemur út úr því" sagði Sigurður í dag.

Ritstjóri Ekstra Bladet sagði hinsvegar að hann myndi engu breyta þar sem ekkert rangt hefði komið fram í fréttaflutningi þeirra varðandi starfsemi KB Banka.