Giggs verður klókari með árunum

Sir Alex Ferguson, stjóri Manchester United, segir Ryan Giggs hafa breytt leik sínum nokkuð með árunum og nýti sér í síauknum mæli klókindi sín á knattspyrnuvellinum. Giggs er að verða 33 ára gamall, en hefur verið í fantaformi með liðinu í vetur.

"Ryan er orðinn klókari en hann var og þetta á oft við um leikmenn þegar þeir verða eldri og reyndari. Varnarmenn eiga oft á tíðum í miklum vandræðum með að hemja hann, því hann kann að nýta sér veikleika þeirra. Ryan hefur líka aldrei breytt um lífsstíl og hefur alltaf haldið sér á jörðinni," sagði Ferguson.