Fulham steinlá gegn Manchester City

Heiðar Helguson og félagar hans í Fulham réðu ekki feitum hesti frá heimsókn sinni til Manchester í dag og töpuðu 3-1 fyrir heimamönnum í City. Heiðar kom inn á í hálfleik og lagði upp mark Fulham.

Leikmenn Man. City mættu gríðarlega ákveðnir til leiks í dag og réðu lögum og lofum í fyrri hálfleik. Bernardo Corradi skoraði þá tvívegis og Joey Barton bætti síðan við þriðja markinu í upphafi þess síðari og má segja að úrslitin hafi þá verið ráðin.

Heiðar Helguson hressti nokkuð upp á sóknarleik Fulham og lagði upp mark fyrir Collins John á 62. mínútu en hann hafði einnig komið inn á sem varamaður. Fulham komst þó ekki lengra og lokatölur því 3-1.