Zydrunas Savickas sterkastur

Zydrunas Savickas tryggði sér í kvöld nafnbótina sterkasti maður heims hjá IFSA sambandinu þegar hann hafði betur gegn Misha Koklyaev í síðustu greininni á mótinu sem fram fór í Reiðhöllinni í Víðidal.

Þeir félagar voru efstir og jafnir eftir næst síðustu grein, en Savickas tryggði sér sigurinn með því að setja heimsmet í steinaburði í lokagreininni, þar sem keppt var með steina sem vógu 140-150-160 og 180 kíló.

Benedikt Magnússon hafnaði í 7. sæti á sínu fyrsta stóra aflraunamóti og verður það að teljast nokkuð góður árangur hjá þessum unga pilti sem þarna keppti við flesta af sterkustu mönnum heims.