Kolbeinn til AZ á reynslu

Unglingalandsliðsmaðurinn Kolbeinn Sigþórsson hjá HK fer á morgun til reynslu hjá AZ Alkmaar í Hollandi þar sem hann mun dvelja í vikutíma. Frá þessu er greint á heimasíðu HK.

Kolbeinn er á mála hjá HK eftir að hafa alist upp hjá Víkingi í Reykjavík. Hann er ekki nema 16 ára gamall en spilaði samt sem áður með meistaraflokki liðsins í fyrra.

Hjá AZ hittir Kolbeinn fyrir tvo íslenska landsliðsmenn, Grétar Rafn Steinsson og Jóhannes Karl Guðjónsson. Þess má geta að Kolbeinn er bróðir Andra Sigþórssonar, fyrrum landsliðsmanns Íslands.