Jewell: Væntum mikils af Heskey

Paul Jewell, stjóri Wigan, vill að framherjinn Emile Heskey bjóði upp á sömu frammistöðu gegn Man. Utd. á Old Trafford í dag eins og hann gerði gegn Chelsea á Þorláksmessu. Þá skoraði Heskey tvö mörk og lék sinn besta leik í langan tíma.

“Emile var magnaður gegn Chelsea og ég hef sagt honum að við ætlumst til þess að hann spili þannig í hverri viku. Hann er gríðarlega mikilvægur leikmaður fyrir okkur,” sagði Jewell.

“Hann vinnur gríðarlega vel fyrir liðið en það eina sem honum hefur vantað eru mörkin. Nú eru þau farin að koma og ég ætlast til þess að þau haldi áfram að koma,” sagði Jewell.