Tomasson vill komast burt frá Stuttgart

Levante í spænsku úrvalsdeildinni er á höttunum á eftir danska landsliðsmanninum Jon Dahl Tomasson, sem er ekki lengur byrjunarliðsmaður hjá liði sínu Stuttgart og hugar sér því til hreyfings.

Að sögn Horst Heldt, framkvæmdastjóra Stuttgart, hefur formlegt tilboð í 30 ára gamli Tomasson ekki borist, en þess má geta að framherjinn snjalli er 1/4 Íslendingur. Hann var áður á mála hjá AC Milan og er sagður hafa áhuga á að spreyta sig í spænsku úrvalsdeildinni.

"Ég get staðfest að það hefur félag á Spáni lýst yfir áhuga en ekkert tilboð hefur borist enn. Það er ennfremur ekki víst að við séum reiðubúnir að selja leikmanninn," sagði Heldt í þýska fjölmiðla í dag.