Leikur í nýjum SATC

Brooke Shields fer með eitt aðalhlutverka í nýjum þáttum sem heita Lipstick Jungle. Þættirnir eru byggðir á bók eftir Candace Bushnell, sem flestir kannast við sem höfund Sex and the City. NBC tekur Lipstick Jungle til sýninga í janúar 2008, en aðdáendur Sex and the City hafa þegar útnefnt þáttaröðina sem arftaka hennar.

Þættirnir fjalla um þrjár konur í toppstöðum í New York borg: ein þeirra er ritstjóri tískublaðs, önnur er fatahönnuður og sú þriðja framkvæmdastjóri í kvikmyndaiðnaðinum. Shields leikur kvikmyndagúrúinn, með hlutverk ritstjórans fer Kim Raver úr 24, og Lindsay Price úr Beverly Hills og Coupling leikur hönnuðinn.