iPod-spilarar bannaðir á akbrautum New York

Íbúar New York borgar sem ganga um með iPod þurfa nú að passa sig að taka af sér heyrnartólin áður en þeir ganga yfir götu, annars eiga þeir yfir höfði sér 100 dollara sekt.

Carl Kruger öldungardeildarþingmaður New York segir að minnst þrír gangandi vegfarendur hafi dáið í umferðarslysum í Brooklyn síðan í haust vegna þess að þeir heyrðu ekki í umferð og viðvörunum. Kruger segir sektareglugerðina nýju í þágu almennings, ef ekkert verði að gert fjölgi bara fórnarlömbunum.