Eto'o: Búinn að bíða lengi eftir þessu marki

Samuel Eto'o, framherji Barcelona, er mjög ánægður með að vera búinn að finna skotskóna á ný en hann skoraði eitt marka Barcelona í auðveldum sigri liðsins á Atletico Bilbao í gær, 3-0. Eto'o segist hafa beðið lengi eftir þessu marki, en slæm hnémeiðsli héldu honum frá keppni í tæpa fimm mánuði fyrr í vetur.

“Ég er búinn að bíða lengi eftir þessu augnabliki og ég er mjög ánægður,” sagði Eto'o eftir leikinn. “Fimm mánuðir án þess að spila fótbolta er of langur tími fyrir mig. Ég mun alltaf muna eftir þessum degi.”

Eto'o hafði mjög góð áhrif á sóknarleik Barcelona, ekki síst fyrir þær sakir að Ronaldinho naut sín mun betur og spilaði sinn besta leik í langan tíma. Greinlegt er að Eto'o tekur tekur ákveðna pressu af Ronaldinho og segir Kamerúninn það verða mjög jákvætt.

“Ronaldinho var frábær. Hann sýndi töfrabrögð í þessum leik. Iniesta og Xavi voru líka framúrskarandi. Þegar Barcelona spilar svona er liðið illviðráðanlegt.”