Mourinho viðurkennir deilur við Abramovich

Jose Mourinho, knattspyrnustjóri Chelsea, hefur viðurkennt að hafa lent í deilu við eiganda félagsins, rússneska auðkýfinginn Roman Abramovich, en bætir við að sú deila hafi verið leyst á tiltölulega skömmum tíma. Í dag sé allt í himnalagi á milli þeirra og segist Mourinho ekki vera á leið frá Chelsea í nánustu framtíð.

"Það varð ágreiningur á milli okkar sem snérist að vinnubrögðum þegar félagsskiptaglugginn var opinn í janúar," sagði Mourinho við í viðtali við dagblaðið Correro da Manha í heimalandi sínu.

"Við áttum við meiðsli að stríða og ég lagði mikla áherslu á að styrkja liðið. Abramovich sagði hins vegar nei. Ég var ósammála honum, en virti ákvörðunina þar sem hann er eigandi félagsins," segir Mourinho, sem janframt ítrekaði að hann hefði hug á að klára samning sinn við félagið - sem gildir til sumarsins 2010. "Ég hef tekið ákvörðun um að vera hér áfram og það er undir Chelsea komið hvort það vill nýta starfskrafta mína þangað til."