Baron Davis er liðtækur rappari

Þeir eru ekki ófáir NBA-leikmennirnir sem hafa reynt fyrir sér í rappinu með misgóðum árangri. Menn á borð við Shaquille O´Neal, Allen Iverson, Tony Parker og Ron Artest hafa sent frá sér lög og skífur sem hafa fengið vægast sagt misjafna dóma. Í myndbandinu sem sjá má með því að smella á tengilinn hér fyrir neðan má heyra framlag Baron Davis til rappsins, en þar er hann að ríma með vini sínum Mr Drastick.

Baron Davis var einn þeirra leikmanna sem slógu í gegn í úrslitakeppninni í NBA á vordögum og fór hann fyrir liði Golden State sem sló Dallas svo óvænt út í fyrstu umferðinni. Smelltu hér til að sjá Davis rappa með vini sínum. Davis er sá sem síðar tekur lagið, klæddur rauðum bol. Hafa ber í huga að textarnir eru ef til vill ekki við hæfi yngri áhorfenda.