Schuster: Beckham mun gráta sig í svefn í LA

Bernd Schuster, þjálfari Getafe á Spáni, hefur verið sterklega orðaður við þjálfarastólinn hjá Real Madrid i sumar ef Fabio Capello lætur af störfum eins og búist er við. Schuster undirbýr lið sitt nú undir bikarúrslitaleikinn á Spáni á laugardaginn en hann hefur engu að síður sterkar skoðanir á leimannamálum hjá Real Madrid.

Schuster segir að það trufli sig ekki þó hann sé spurður út í framtíð sína sem þjálfari oft á dag. Hann segir að David Beckham hafi gert stór mistök með því að ákveða að fara til Los Angeles. "Ég held að Beckham eigi eftir að gráta sig í svefn af leiðindum í Los Angeles, því hann hefði geta spilað tvö eða þrjú tímabil í viðbót hjá Real Madrid. Það er algjör synd að hann sé að fara," sagði Schuster.