Blendnar tilfinningar fyrir Ronaldo

Portúgalski vængmaðurinn Cristiano Ronaldo hjá Manchester United upplifði blendnar tilfinningar í kvöld þegar hann tryggði enska liðinu sigur á fyrrum félögum sínum í Sporting í Lissabon.

"Mér líður vel núna. Manchester United er mitt lið núna, en ég elska Sporting og stuðningsmenn liðsins - þetta er mitt annað heimili. Það var afar mikilvægt að sækja þrjú stig hingað, en á sama tíma þykir mér svo vænt um fólkið hérna," sagði Ronaldo.

"Það er alltaf mjög mikilvægt að vinna á útivelli og mér fannst þetta frábær leikur og úrslitin sanngjörn."