Bein lýsing frá 1. deildinni í dag

Vísir mun í dag fylgjast með gangi mála í leikjum lokaumferðar 1. deildar karla í dag.

Fyrst og fremst mun athyglin beinast að leik Reynis og Þróttar í Sandgerði annars vegar og ÍBV og Fjölnis hins vegar. Bein lýsing verður á Vísi frá þessum tveimur leikjum.

Aðalspennan í deildinni snýst um hvort að Þróttur eða ÍBV fylgi Grindavík og Fjölni upp í úrvalsdeildina.

Þá geta Grindvíkingar tryggt sér meistaratitil deildarinnar með sigri í Fjarðabyggð.

Botnbaráttan er ekki eins spennandi en þar standa Reynismenn illa að vígi. Þeir þurfa helst að vinna Þróttara með fimm marka mun og treysta á að KA tapi sínum leik, gegn Þór norðan heiða.

Staðan í 1. deildinni fyrir lokaumferðina:

1. Grindavík 47 stig (+27 í markatölu)

2. Fjölnir 45 (+33)

3. Þróttur 44 (+19)

4. ÍBV 41 (+18)

5. Fjarðabyggð 34 (+5)

6. Leiknir 22 (-6)

7. Þór 21 (-8)

8. Stjarnan 20 (-4)

9. Njarðvík 20 (-8)

10. Víkingur, Ó. 20 (-10)

11. KA 19 (-30)

12. Reynir, S. 16 (-36)