Benitez: Við vorum lélegir

Rafa Benitez, stjóri Liverpool, var spurður að því hvort hræringar hans með leikmannahópinn hefðu haft eitthvað með það að gera að liðið tapaði 1-0 heima fyrir Marseille í Meistaradeildinni í kvöld.

"Þið getið talað um val mitt á liðinu og hvort stórstjörnurnar séu í liðinu en í kvöld spiluðu stjörnurnar illa frá byrjun. Þetta var lélegur leikur hjá okkur, við sköpuðum okkur ekki færi og þetta var ekki okkar dagur. Til að komast áfram í þessari keppni þarf maður sigra - ekki jafntefli, þau duga ekki. Nú vitum við að við verðum að vinna Besiktas á útivelli í næsta leik," sagði Benitez, en hans menn eru nú í þriðja sæti riðilsins með aðeins eitt stig eftir tvo leiki.