Óvíst með Zlatan

Sóknarmaðurinn Zlatan Ibrahimovic er með flensu og óvíst hvort hann geti leikið með ítalska liðinu Inter í Meistaradeildinni á morgun. Inter leikur gegn CSKA í Moskvu og hefst leikurinn klukkan 16:30.

Douglas Maicon, Cristian Chivu, David Suazo og Nicolas Burdisso verða allir í banni á morgun og Inter má ekki við því að leika án markahróksins Zlatans.

„Honum fer skánandi og ég vona svo sannarlega að hann verði með. Þetta kemur samt betur í ljós í fyrramálið," sagði Roberto Mancini, þjálfari Inter.