Keflavík enn með fullt hús stiga

Keflvíkingar eru enn með fullt hús stiga í Iceland Express deild karla í körfubolta eftir nauman sigur á Tindastól 89-97 á Sauðárkróki í kvöld. Þetta var fyrsti leikurinn í 9. umferð deildarinnar og Keflavík er á toppnum með 18 stig, en Stólarnir í því 10. með 6 stig.

Donald Brown var atkvæðamestur í liði heimamanna með 31 stig og 15 fráköst, Svavar Birgisson skoraði 18 stig og Samir Shaptahovic skoraði 17 stig, gaf 8 stoðsendingar og hirti 7 fráköst.

Tommy Johnson var atkvæðamestur gestanna frá Keflavík með 21 stig og þeir Gunnar Einarsson og Bobby Walker, nýkjörinn besti leikmaður fyrstu 8 umferðanna í deildinni, skoruðu 17 stig hvor.