Körfubolti

Blikar jöfnuðu úrslitaeinvígið

Aron Guðmundsson skrifar
Frá leik Breiðabliks gegn Stjörnunni á sínum tíma. Hér má sjá Sölva Ólason með boltann. Hann skoraði fjögur stig í leik kvöldsins
Frá leik Breiðabliks gegn Stjörnunni á sínum tíma. Hér má sjá Sölva Ólason með boltann. Hann skoraði fjögur stig í leik kvöldsins vísir / anton brink

Breiðablik jafnaði í kvöld úrslitaeinvígi sitt gegn Sindra í 1.deild, þar sem að undir er sæti í Bónus deildinni á næsta tímabili, með öruggum sigri í kvöld, 96-67. Staðan í einvíginu nú 1-1. 

Sindri hafði unnið fyrsta leik liðanna á Höfn í Hornarfirði á dögunum og gat með sigri í kvöld komist í þægilega stöðu í einvíginu en Blikar mættu klárir til leiks í Smáranum.

Sardaar Calhoun fór fyrir liði Breiðabliks í stigaskorun með 21 stigi og þá gaf hann fjórar stoðsendingar og tók fimm fráköst.

Breiðablik náði mest þrjátíu og eins stiga forystu í leik kvöldsins og unnu að lokum öruggan 29 stiga sigur, 96-67.

Einvígið heldur nú aftur á Höfn í Hornarfirði. Liðin mætast þar í þriðja leik sínum á föstudaginn kemur. 

Breiðablik Sindri Bónus-deild karla

Mest lesið


Fleiri fréttir

Sjá meira


×

Mest lesið