Gibson verður ekki með í næsta leik

Bakvörðurinn Daniel Gibson getur ekki leikið með liði sínu Cleveland Cavaliers þegar það mætir Boston Celtics í sjötta leik liðanna í undanúrslitum Austurdeildarinnar annað kvöld.

Gibson fór úr axlarlið í gærkvöld þegar liðin mættust í Boston og heimamenn fóru með sigur af hólmi. Boston getur tryggt sér sæti í úrslitum Austurdeildar með sigri í Cleveland annað kvöld, en leikurinn verður sýndur beint á NBA TV klukkan 12 á miðnætti.

Klukkan hálftvö aðra nótt verður svo bein útsending á Stöð 2 Sport frá sjöttu viðureign Utah Jazz og LA Lakers þar sem Lakers getur tryggt sig í úrslit Vesturdeildar með sigri. Lakers vann fimmta leik liðanna á heimavelli í gærkvöld.