SA vann kærumálið og er meistari

Í gær varð það endanlega ljóst að Skautafélag Akureyrar er Íslandsmeistari karla í íshokkí. Áfrýjunardómstóll ÍSÍ kvað þá upp dóm í máli SA gegn Skautafélagi Reykjavíkur.

SR vann umræddan leik 9-6, á Akureyri en Emil Aalingaard hafði ekki leikheimild til að spila með SR í leiknum. Var því SA dæmdur 10-0 sigur.

SA vann næsta leik, 4-0, en SR svaraði með 6-1 sigri í Reykjavík í þriðju viðureigninni. SA vann svo fjórðu viðureignina, 9-5, og þar með þriðja leikinn sinn sem dugir til að tryggja félaginu Íslandsmeistarartitilinn.