Miðar á leikinn gegn Belgum gefnir á miðvikudag

Frítt verður á landsleik Íslands og Belgíu í undankeppni Evrópumótsins. Leikurinn fer fram í Laugardalshöll klukkan 20:15 á miðvikudagskvöld.

Hægt verður að nálgast miða á þremur útibúum Kaupþings og þremur stöðvum N1. Þar sem hægt er að nálgast miða eru útibú Kaupþings í Kringlunni, útibúið á Hlemmi og á Suðurlandsbraut við Hótel Hilton.

Þær þjónustustöðvar N1 sem hægt verður að nálgast miða hjá eru N1 á Ártúnshöfða, hringbraut og í Fossvogi. Allir miðar verða gefnir á miðvikudaginn milli klukkan 9 og 16.

Þetta er fyrsti landsleikur strákanna eftir úrslitaleikinn í Peking og sá fyrsti í riðli Íslands í undakeppni Evrópumótsins.