18 mót í Formúlu 1 á næsta ári

FIA gaf í dag út dagatal fyrir Formúlu 1 mótaröðina á næsta ári. Átjan mót verða á dagskrá og nýr mótsstaður í Abu Dhabi verður í lok ársins.

Mótshaldarar í Abu Dhabi hafa lagt mikla vinnu í götubraut og kemur til greina að hún verði að kvöldi til og flóðlýst. Tilkynnt verður um framkvæmd mótins eftir keppnina í Japan um næstu helgi. Þá er verið að reisa umfangsmikinn Ferrari skemmtigarð í nágrenni brautarinnar.

Tvö mót eru á Spáni á næsta ári, en keppni í Kanada er ekki á dagskrá að þessu sinni. Fyrsta mótið verður í Ástralíu 29. mars og er það mun seinna á dagskrá en síðustu ár.

Mótaskrá FIA 2009

Ástralía 29. Mars

Malasía 5. apríl

Bahrain 19. apríl

Spánn 10. maí

Mónakó 24. maí

Tyrkland 7. júní

Bretland 21. júní

Frakkland 28. júní

Þýskaland 12. júlí

Ungverjaland 26. júlí

Evrópa 23. ágúst

Belgía 30. ágúst

Ítalía 13. september

Singapúr 27. september

Japan 11. október

Kína 18. október

Brasilía 1. nóvember

Abu Dhabi 15. nóvember