Akureyri vann öruggan sigur á HK

Einn leikur var á dagskrá í N1 deild karla í handbolta í kvöld. Akureyri vann öruggan 30-21 sigur á HK fyrir norðan eftir að hafa verið yfir 14-10 í hálfleik.

Oddur Grétarsson var markahæstur hjá Akureyri með 6 mörk og þeir Andri Stefánsson, Heiðar Aðalsteinsson og Árni Sigtryggsson 5 hver. Þá varði Hafþór Einarsson 24 skot í marki heimamanna.

Valdimar Þórsson var markahæstur í liði HK með 6 mörk og Gunnar Jónsson skoraði 4.

Bæði Akureyri og HK hafa unnið tvo af fyrstu fjórum leikjum sínum og sitja í 2.-3. sæti deildarinnar. Þetta var fyrsti leikurinn í fjórðu umferð deildarinnar.