Ekkert pláss fyrir Mourinho í Barcelona

Forseti Barcelona segir ekkert til í þeim orðrómi að félagið ætli sér að ráða Jose Mourinho til að taka við af Frank Rikjaard, þjálfara liðsins.

Mourinho hefur verið orðaður við flest stærstu félögin í Evrópu síðan hann hætti hjá Chelsea í fyrra, en Joan Laporta, forseti Barcelona, segir Frank Rijkaard njóta stuðnings stjórnarinnar.

"Við höfum fulla trú á Frank og því sem hann er að gera. Hann er kjörinn þjálfari fyrir þetta lið og verður hérna eins lengi og hann vill. Mourinho er líka frábær þjálfari en þó við vitum að allir vilji koma til Barcelona - höfum við ekki pláss fyrir tvo þjálfara hérna," sagði Laporta í sjónvarpsviðtali í dag.