Werder Bremen upp að hlið Bayern

Werder Bremen vann Nürnberg 2-0 í þýska boltanum í dag. Með sigrinum komst Bremen upp að hlið Bayern München á toppi þýsku deildarinnar. Bæði lið hafa 40 stig en Bayern á leik inni gegn Hannover á morgun.

Markus Rosenberg skoraði fyrra mar Brimarbúa eftir hálftíma leik en Ivan Klasnic bætti síðan við marki þegar um tíu mínútur voru til leiksloka.

Werder Bremen lék einum fleiri stærstan hluta leiksins en leikmaður Nürnberg fékk rauða spjaldið eftir aðeins tuttugu mínútur.

Hér að neðan má sjá öll úrslit dagsins í þýska boltanum en í gær tapaði Schalke 1-2 fyrir Wolfsburg.

Duisburg - Stuttgart 2-3

Energie Cottbus - Borussia Dortmund 0-2

Hansa Rostock - Eintracht Frankfurt 1-0

Hertha Berlín - Arminiea Bielefeld 1-0

Karlsruhe - Bayer Leverkusen 2-2

Werder Bremen - Nürnberg 2-0