Wenger nokkuð sáttur

Arsene Wenger var mjög sáttur við frammistöðu sinna manna í Arsenal í jafnteflinu við AC Milan í Meistaradeildinni í kvöld en sagði súrt að ná ekki að nýta færin. Hann er bjartsýnn á síðari leikinn í Mílanó.

"Þetta var fínn leikur og strákarnir sýndu styrk sinn og þroska í 90 mínútur. Það var gott að halda hreinu en okkur tókst ekki að skora mörk úr öllum færunum sem við fengum og það var miður," sagði Frakkinn.

"Ég hugsa að leikmenn mínir hafi sýnt Milan að þeir eru sýnd veiði en ekki gefin og það mun spila stórt í síðari leiknum. Ég er ánægður með frammistöðu liðsins í kvöld," sagði Wenger.