Real Madrid tapaði á heimavelli

Valencia gerði sér lítið fyrir og vann topplið Real Madrid á Santiago Bernabéu í dag, 3-2.

David Villa kom gestunum yfir á 34. mínútu en aðeins mínútu síðar jafnaði Raúl metin. Raúl skoraði öðru sinni á 56. mínútu en ellefu mínútum síðar jafnaði David Villa metin úr vítaspyrnu.

Það var svo Arizmendi sem skoraði sigurmark leiksins á 89. mínútu eftir glæsilegan sprett upp hægri kantinn.

Valencia er með 39 stig í tíunda sæti, rétt eins og Getafe og Almeria.

Real Madrid er enn á toppi deildarinnar með 62 stig en forysta liðsins á Barcelona hefur nú minnkað í fjögur stig.