Pennant ekki með á morgun

Ljóst er að vængmaðurinn Jermaine Pennant verður ekki í leikmannahópi Liverpool á morgun. Þá tekur liðið á móti Arsenal í seinni viðureign þessara liða í átta liða úrslitum Meistaradeildarinnar.

Pennant meiddist í deildarleik liðanna um helgina og getur því ekki tekið þátt í leiknum á morgun. Fyrri leikurinn endaði með jafntefli 1-1 og er Liverpool því í vænlegri stöðu.

Daniel Agger og Harry Kewell eru enn á meiðslalista Liverpool en að öðru leyti getur Rafael Benítez valið úr fullum hóp.