Toni tryggði Bayern bikarmeistaratitilinn

Bayern München varð í kvöld þýskur bikarmeistari í knattspyrnu eftir sigur á Dortmund, 2-1, í framlengdum leik.

Luca Toni kom Bayern yfir strax á elleftu mínútu leiksins eftir laglegan undirbúning Franck Ribery.

Þannig stóðu leikar þar til að Mladen Petric jafnaði metin á annarri mínútu í uppbótartíma. Þurfti því að grípa til framlengingar.

Toni skoraði öðru sinni undir lok fyrri hálfleiks framlengingarinnar eftir sendingu frá Lukas Podolski.

Það dugði til sigurs og fögnuðu leikmenn Bayern því sætum sigri.