Sigurður Ingimundarson tekur við Solna

Landsliðsþjálfarinn Sigurður Ingimundarson hefur ákveðið að taka við þjálfarastöðunni hjá sænska úrvalsdeildarfélaginu Solna frá Stokkhólmi.

Sigurður skrifar undir eins árs samning við sænska félagið.

„Þetta er bara klappað og klárt og ég er mjög ánægður með þetta og hlakka til að takast á við þessa áskorun," segir landsliðsþjálfarinn Sigurður í samtali við Vísi.

Ákvörðun Sigurðar mun ekki hafa áhrif á starf hans með íslenska landsliðinu en samningur hans við KKÍ klárast í lok ágúst og ekkert hefur enn verið rætt um framhaldið þar.

Nánari viðtal birtist við Sigurð í Fréttablaðinu á morgun.