Hatton útilokar ekki „bardagann um Bretland“

Hnefaleikamaðurinn Ricky Hatton útilokar ekki að snúa aftur í hringinn að nýju en ítrekar þó að ekkert sé í farveginum með það að gera.

Hatton barðist síðast við Manny „Pac-man" Pacquiao í maí síðastliðnum og var kjöldreginn í tveimur lotum og eftir það hvöttu hann margir til þess að leggja hanskana á hilluna.

Hatton hefur þó undanfarið verið sterklega orðaður við „bardagann um Bretland" gegn nýkrýndum WBA-léttveltivigtarmeistaranum Amir Khan en þeir eru góðir félagar enda báðir frá Manchester á Englandi.

„Ég ætla ekki að segja að þessi hugmynd um að ég og Amir munum mætast verði aldrei að veruleika, því maður veit aldrei hvað verður. Þetta er spurning um hvort að ég snúi aftur eða ekki.

Ef að eftir sex eða átta mánuði eða jafnvel eitt ár ég ákvað að snúa aftur og Amir er enn heimsmeistari, þá myndi ég segja að það væri mjög líklegt að við myndum mætast í hringnum," segir Hatton í samtali við Sky Sports fréttastofuna.