Barkley laus úr steininum

Charles Barkley losnaði úr fangelsi í dag eftir þriggja daga vist í steininum. Fangelsisdóminn fékk hann fyrir að aka drukkinn undir stýri.

Barkley yfirgaf fangelsið út um bakdyr og slapp þar með við hóp blaðamanna og ljósmyndara sem ætluðu að taka á móti honum.

Fangelsið sem Barkley var í þykir afar sérstakt enda gista fangarnir í tjöldum. Hann fékk sitt eigið tjald af öryggisástæðum og farið var með mat til hans svo hann þyrfti ekki að eiga neitt samneyti við hina fangana.