Ross Brawn: Áreiðanleiki bílsins ánægjuefni

Brawn GP 001 bíllinn nýji reyndist skotheldur á æfingum á Barcelona brautinni alla vikuna. Æfingum þar er nú lokið og Jenson Button og Rubens Barrichello trónuðu á toppnum á tímalistanum tvo síðustu dagana.. Brawn liðið sló því stórliðununm hressilegea við.

"Við erum virkilega ánægðir með fyrstu prófun á bíl okkar. Eins og menn þekkja komumst við seint í gang með okkar mál. Meginmarkmið okkar var að sleppa við bilanir og að þolprófa bílinn, að keyra sem mest. Það tókst afbragðsvel", sagði Brawn um æfingar liðsins.

"Bíllinn var góður frá fyrsta metra og það segir allt um starfslið okkar í Brackley, sem hefur þurft að þola margt síðustu mánuði. Bíllinn virkar sem skyldi og bæði Barrichello og Button hafa ekið keppnisakstur. Við getum æft í þrjá daga í Jerez í næstu og ætlum að nýta okkur það. Það verður spennandi að sjá framvindu mála"; sagði Brawn.

Rubens Barrichello var með besta tíma í gær og var sáttur við sitt.

"Ég er mjög ánægðir með hvað við gátum ekið mikið án bilanna og í gegnum heila keppni hvað vegalengd varðar. Ég prófaði líka að aka tímatökuakstur og það tókst vel. Brawn bíllinn er hraður og traustur", sagði Barrichello.

Sjá nánar um æfingarnar