Rondo búinn að semja við Celtics

Leikstjórnandinn Rajon Rondo er loksins búinn að ná samkomulagi við Boston Celtics um nýjan samning. Það mátti ekki seinna vera því í dag rann út frestur til að ganga frá samningum.

Nýi samningurinn er til fimm ára og að minnsta kosti 55 milljón dollara virði.

Gengið var frá samningnum í gærkvöldi. Ef það hefði ekki tekist hefði Rondo mátt ræða við önnur félög næsta sumar.

Rondo er að fá 2,3 milljónir dollara á ári í dag en hann er á síðasta ári samningsins sem hann gerði sem nýliði. Hann var með 11,9 stig, gaf 8,2 stoðsendingar og tók 5,2 fráköst að meðaltali á síðustu leiktíð.