Zlatan á leið í Barcelona og Eto'o í Inter

Fátt virðist geta komið í veg fyrir að sænski markvarðahrellirinn Zlatan Ibrahimovic gangi til liðs við Barcelona frá Inter. Samuel Eto'o fer til Inter í skiptum.

Umboðsmaður Zlatan sagði í kvöld að það yrði þó líklega ekki gengið frá málum fyrr en eftir helgi.

„Þetta er í vinnslu en er ekki frágengið. Það er enn nægur tími til stefnu," sagði umboðsmaðurinn en Zlatan er með Inter í æfingabúðum í Bandaríkjunum.

Félögin hafa náð samkomulagi en nú eiga leikmennirnir aðeins eftir að ná samningum.