26 ökumenn á ráslínu 2010

Miðað við þær umsóknir sem FIA hefur borist í dag um þátttöku í Formúlu 1 árið 2010 þá eru allar líkur á að 26 ökumenn verði á ráslínu á næsta ári. Ökumenn eru 20 talsins í ár.

Mörg lið hafa verið í fjárhagsvandræðum síðustu ár en með samspili FIA og FOTA sem eru tiltölulega nýstofnuð samtök keppnisliða virðist hagur íþróttarinnar vera að vænkast á ný. Hátt í tíu ný lið lið sýndu því áhuga að keppa á næsta ári, en fjögur lið hafa þegar sótt um.

Liðin fjögur eru öll vel þekkt í kappakstursgeiranum og menn innan þeirra með mikla reynslu. Núverandi keppnislið hafa boðist til að hjálpa nýjum liðum fyrstu skrefin, eins lengi og FIA tekur ekki í gagnið reglur sem þau hafa verið á móti. Níu lið sóttu sameiginlega um þátttöku á næsta ári og það eru lið sem hafa öll sett sig upp á móti nýjum reglum.

FIA hefur frest til 14. júni til að tilkynna hvaða lið fá þátttökurétt á næsta ári, en eitt af liðunum fjórum er líklegt til að falla út, en þrjú ný bætast við. Það munar um minna í mótshaldi, flutningum og skipulagi að sex bílar og ökumenn bætist við á næst ári og ólklegt að aukið svigrúm verði til að veita fjórða liðinu aðgang.

Meira um málið