Barnsmóðir Eddy Curry myrt

Lögreglan í Chicago hefur handtekið 36 ára gamlan lögfræðing og kært hann fyrir morðið á barnsmóður Eddy Curry, leikmanns NY Knicks, og níu mánaða gamalli dóttur þeirra.

Lögmaðurinn heitir Fredrick Goings og var lögmaður konunnar sem hann á að hafa skotið en hún heitir Nova Henry. Sú var í máli við Curry vegna faðernis hinnar níu mánaða gömlu Ava sem samkvæmt DNA-sýnum er dóttir Curry.

Henry á einnig þriggja ára son með Curry sem fannst heill á húfi á vettvangi.

Eftir því sem fram kemur í fjölmiðlum í Chicago rifust Fredricks og Henry heiftarlega í íbúð Henry. Í kjölfarið virðist Fredricks hafa rifið upp byssu og skotið Henry og barnið.

Talsmaður Knicks sagði Curry ekki hafa neinn áhuga á að tjá sig um málið að svo stöddu.