Öruggir heimasigrar í körfunni

Þrír leikir voru á dagskrá í Iceland Express deild karla í körfubolta í kvöld og unnu heimaliðin nokkuð afgerandi sigra í þeim öllum.

Þórsarar eru enn í bullandi fallbaráttu eftir 110-96 tap fyrir Stjörnunni í Garðabæ. Justin Shouse skoraði 31 stig og gaf 8 stoðsendingar fyrir Stjörnuna, Guðjón Lárusson 20 og Jovan Zdravevski 19. Konrad Tota skoraði 25 stig og hirti 13 fráköst fyrir Þór.

Snæfell lagði Breiðablik í Stykkishólmi 99-73. Jón Jónsson var stigahæstur í liði Snæfells með 21 stig og góða hittni og þeir Lucius Wagner og Hlynur Bæringsson skoruðu 16 stig hvor. Hjá Blikum var Emil Jóhannsson atkvæðamestur með 24 stig og Þorsteinn Gunnlaugsson 18.

Loks vann Njarðvík auðveldan sigur á botnliði Skallagríms 96-67.

Staðan í deildinni