Haye stefnir á að mæta Klitschko bróður á Wembley

Hnefaleikamaðurinn og nýkrýndur WBA-heimsmeistari í þungavigt lætur sig nú dreyma um að mæta öðrum hvorum Klitschko bræðranna á Wembley-leikvanginum í Lundúnum.

Haye mun reyndar næst þurfa að verja WBA-titil sinn gegn Bandaríkjamanninum Johnny Ruiz sem er efstur á áskorendalista WBA-hnefaleiksambandsins áður en hann mætir Úkraínumönnunum.

„Stefnan er að næsti stóri bardagi minn fari fram í Lundúnum og ég er sannfærður um að það gangi eftir. Síðan vill ég líka keppa í Las Vegas en Lundúnir verða næsti áfangastaðurinn.

Ég mæti Ruiz næst og svo öðrum hvorum Klitschko bróðurnum næst. Skiptir ekki máli hvort það verður Wladimir eða Vitali," er haft eftir Haye en eldri bróðurinn, Vitali, er þegar búinn að ítreka að hann sé tilbúinn að mæta Haye hvenær sem er á næsta ári.