Valdi Val fram yfir Frakkland

Valsmaðurinn Elvar Friðriksson hafnaði tilboði frá franska úrvalsdeildarfélaginu Creteil og ákvað þess í stað að klára tímabilið með Valsmönnum.

„Ég fór síðasta mánudag til liðsins og gekk vel á æfingum. Þeir vildu fá mig strax til liðsins og að ég kláraði tímabilið með þeim. Eftir smá umhugsun ákvað ég að klára frekar úrslitakeppnina með Val og hafnaði því tilboðinu," sagði Elvar við Vísi.

Þó svo hann hafi hafnaði Creteil er Elvar að horfa í kringum sig þessa dagana og stefnir á að leika erlendis næsta vetur fái hann tilboð frá spennandi félagi.

Creteil er úr myndinni sem stendur enda vildu þeir aðeins bjóða samning út þessa leiktíð.