NBA: Wade hafði betur gegn Kobe

Dwayne Wade fór mikinn fyrir Miami og skoraði 27 stig þegar liðið lagði meistara LA Lakers í framlengdum leik í nótt.

Það voru þó ekki stig Wade heldur stoðsendingar sem sköpuðu þennan sigur en hann gaf 14 stoðsendingar í leiknum.

„Þessi frammistaða sýnir liðsfélögunum að allt snýst um að vinna hjá mér. Ég er ekki maður sem hugsar um að skora flotta körfu af því Kobe var að skora flotta körfu," sagði Wade eftir leikinn.

Dagskrá Lakers það sem eftir er verður erfið. 13 af síðustu 21 leikjum liðsins er á útivelli og liðið er aðeins 9-9 á útivelli síðan um jólin.

Úrslit næturinnar:

Memphis-Chicago  96-105

Miami-LA Lakers  108-116

Phoenix-Utah  108-116