Newsweek: Kínverjar vilja fjárfesta á Íslandi

„Kína er orðið frægt á síðustu árum fyrir spyrjum ekki spurninga veskis stefnu sína einkum gagnvart þjóðum sem eru ríkar af náttúrulegum auðlindum," segir Underhill. „Nú hefur Kína fundið nýtt skotmark, Evrópu. Næsta takmark Kína sé Ísland sem rambar á barmi gjaldþrots vegna starfsemi banka sinna."

Underhill segir að eins og ávallt séu Kínverjar að hugsa til langs tíma hvað fjárfestingar varðar. Samkvæmt nýrri skýrslu frá Stockholm International Peace Research stofnuninni hafa kínversk stjórnvöld áhuga á nýjum siglingarleiðum um Norðurskautssvæðið þegar ísinn þar bráðnar. Slík siglingarleið myndi stytta verulega siglingar milli Kína og Evrópu og Norður Ameríku. Kína hefur þegar komið sér upp rannsóknarstofnun um Norðurskautið í Noregi og ætlar að verja 300 milljónum dollara til að smíða nýjan tegundir af ísbrjóti.

Fari svo að siglingarleiðin um Norðurskautið opnist allt árið myndi Ísland þjóna sem vinsamleg og velútbúin stoppistöð fyrir Kínverja í Norður Atlantshafinu.

Hugmyndin fellur Íslendingum vel í gerð, segir Underhill. Hann vitnar til nýlegra orða Ólafs Ragnars Grímssonar forseta Íslands um áhuga Kínverja á að koma flutningamiðstöð á fót á Íslandi. Þessi áhugi komi mitt inn í deilur Íslands við Breta og Hollendinga um Icesave. „Afhverju ekki að eignast nýja vini frá Asíu?" spyr Underhill í lok greinar sinnar.