Knattspyrnusamband Evrópu hefur gefið það út að báðir leikirnir í undanúrslitum Evrópudeildarinnar munu fara fram á fimmtudaginn eins og áætlað var.
Eins og kunnugt er hefur flug legið niðri víða í Evrópu vegna eldgossins í Eyjafjallajökli og tilheyrandi öskudreifingar víða um álfuna.
Liverpool þarf að komast til Spánar þar sem liðið mætir Atletico Madríd og þá mætir Fulham liði Hamborgar í Þýskalandi.
Ef ensku liðin geta ekki stólað á flugsamgöngur til að komast á leiðarenda þurfa þau væntanlega að komast leiða sinna með rútu, eins og Vísir fjallaði um fyrr í dag.
