Real Madrid lenti undir en vann

Real Madrid vann 3-1 sigur á Sporting Gijon í spænska boltanum í kvöld. Markalaust var í hálfleik.

Gestirnir í Sporting tóku forystu á 53. mínútu en Adam var ekki lengi í Paradís. Rafael van der Vaart hafði jafnað tveimur mínútum síðar og tveimur mínútum eftir það mark komst Real yfir.

Xabi Alonso skoraði 2-1 og þriðja markið kom frá Argentínumanninum Gonzalo Higuain.

Real Madrid komst með þessum sigri í efsta sæti deildarinnar. Liðið er nú þremur stigum á undan Barcelona sem er í öðru sæti. Börsungar leika annað kvöld við Real Zaragoza.

Sporting Gijon er í tólfta sætinu. Hér að neðan má sjá úrslit dagsins á Spáni.

Athletic Bilbao 2 - 2 Getafe 

Deportivo La Coruna 0 - 2 Valladolid

Xerez 2 - 1 Tenerife

Real Madrid 3 - 1 Sporting Gijon