Moyes: Arteta getur leyst Fabregas af hólmi

David Moyes stjóri Everton telur að Mikel Arteta sé rétti maðurinn til að leysa Cesc Fabregas af hólmi á HM ef fyrirliði Arsenal verður ekki klár í slaginn.

Fabregas mæddist gegn Barcelona og óvíst hvort hann geti leikið með Spáni á heimsmeistaramótinu í Suður-Afríku í sumar.

Arteta hefur aldrei spilað fyrir landslið Spánar og var meiddur í ellefu mánuði áður en hann kom til baka í janúar. Þessi 28 ára leikmaður hefur leikið vel eftir að hafa jafnað sig af meiðslunum.

„Ég óska engum svo ills að meiðast. Ég tel að Mikel sé rétti maðurinn til að leysa Fabregas af hólmi en kannski kom endurkoma hans of seint. Ég vona ekki því hann á skilið að komast í spænska hópinn," sagði Moyes.

„Miðað við hvernig hefur spilað fyrir okkur að undanförnu þá hlýtur hann að vera nálægt því að komast í hópinn. Ég geri mér grein fyrir því að Spánn á marga góða leikmenn en ef þú spilar eins vel og hann hefur gert þá áttu skilið tækifæri."