Körfubolti

Rondo afgreiddi Cleveland

Henry Birgir Gunnarsson skrifar
Rondo átti frábæran leik í kvöld.
Rondo átti frábæran leik í kvöld.

Boston Celtics náði að jafna rimmuna gegn Cleveland Cavaliers í undanúrslitum Austurdeildar NBA-deildarinnar í kvöld með góðum heimasigri, 97-87.

Staðan í einvígi liðanna er því 2-2 en þetta er eina spennandi serían í undanúrslitunum en staðan í hinum þremur seríunum er 3-0.

Boston var sterkara liðið allan tímann í kvöld og átti sigurinn skilið.

Rajon Rondo átti rosalegan leik í liði Boston með þrefalda tvennu. Hann skoraði 29 stig, tók 18 fráköst og gaf 13 stoðsendingar. Kevin Garnett var einnig sterkur með 18 stig.

Hjá Cleveland var LeBron James stigahæstur með 22 stig. Hann tók einnig 9 fráköst og gaf 8 stoðsendingar.

NBA

Mest lesið


Fleiri fréttir

Sjá meira


×

Mest lesið